a extinción dos harmónicos antre os beizos
logo os vértices incendiados nos adentros
alado aluado meu contraforte
allea bailo en lava labio
as eirugas polos arrabaldos dos morfemas
erixirnos refractarios logo os dedos
aluado alado en contrapunto
allea en lava lábil bailo
as arelas alagan as cesuras
logo as pontes as fontes en triángulo
contradanza aluada meu alado
labio en lava allea bailo
***
***
sei perfectamente
a gramática da túa boca non é
un paxaro inmóbil
a mestura da demencia coa ansiedade
é a nosa edificación noscentrista
(nos centros dos corpos calquera orixe
nas horas de saliva)
No hay comentarios:
Publicar un comentario